OINOK DUM:SÍK MIKMO

 

OINOK DUM:SÍK MIKMO

                                        Mg. Bharat Chintey

                                                              Jonai 

Oinok dum:sík mik:modém kaye:mílo

Asinsé tare:moton:pé ton:dak

Ka:mila ka:ye:mílo po:pé:kébo

Kangkin:dakném:pé mé:sudak

Atér atérpé du:ye:mílo 

Nok yalo:dém mé:pa:dak

Jé:yit po:pit:la dungko sí:ludo

Asin do:yingko kí:lí:dak

Dong amongéné ma:nying amongén

Ngok asin:sé kinsu:mang

Ka:bek ye:ji émna asinsé

Dí:dí koko:dak dunggumang

Koyém:la yír:namdém ka:ye:mílo

Aipé mé:du:némpé mé:sudak

Aipé mé:dak émyé:mílo 

Mé:nam du:bo ém:sudak

Ngok:gong:kémpé mé:sudak

No kéra:so du:dodém

Kapiyen kouwé:bí mit:pannamang

Oinok dum:sík mik:modém

Doksiri দকচিৰি, ডিচেম্বৰ, ২০২৩