ALI A:YE LÍGANG

 

ALI A:YE LÍGANG

                              Krishno Dole:

                        Nolduwar, Majuli

Ro: ayirdo do:lung lambédo

  mérmér sérsérpé tadbegdung ngo

    Menjeg tayé:lo tedge:la

      Dérki: tapum mudnamko

        Yumko soraidokké éropsula tattoném

           Rémig jémikpé tadbegdung ngo

            Tatpo:né língu:ki oi ni:tom monamko. 

Kinsula ngo ka:toném

   Do:lung réngamé í:r-pongkíré

      Murong okum lottalo 

       Í:rga jémjémpé

         Gumrag paksong so:la dung

            Mé:bo ni:tom mola dung.

Murong okum tayélo 

  Ta:to ya:yo mibu:bulu

     Po:ro apong, e:g adin do:du:né

       Sí:sa mímbír yame: kí:dí:dé

          Lo le ni:tom motu:la

            Yarib arra so:du:né. 

Ka:po kangané Mising mímbír kí:dí:dé

  Mosang ege gasor gége:la

    Yaripé arra so:namdé

      Ka:po kangané Mising yame:kí:dí:dé

        Mibu galuk gorno ugon gége:la

          Lélong marbang démnigla

            Dum dum lu:pi mannamdé.

Doksiri দকচিৰি, মাৰ্চ, ২০২৪