TOYA:LA DUNGAI
Debanondo Pe:gu
Rotke: Jonai
Toya:la dungai pérog kognamko
Pérogé kogmílo píangé píyé
Nésin parkomné lambédém paro:suyé
Aíké gíténg lambédé aíképé iyé
Méngkodo:péi gíla:yé, Mé:namdéméi pa:la:yé.
Toya:la dungai do:nyi lí:sangko
Ainé longéko réngamso a:yé
Rí:síng koktokké éra:dé aípé iyé
Yayo,ta:to,owoi,ba:boi,bíro, bírmé kídíngé kérang-kétakpé dungge:la
Kanam kamangém orsula doyé
Bíkké ngokké émma:pé,ommang kídí:dém,appun ba:ri:pé pedyedla lé:yé
Géru: bomru: suge:la toya:la dungai dugríg-supéné ga:ri:ko
Adi: di:té:to, po:lo lolad latkodo
Tamuli,takar karkodo
Mé:po okum moyé
Odo du:yé mé:po méngané,yírman-so:mané, ayang appuné dírbu:sula pun-yé
Odo kama:yé mé:dír mésongé,kéno: tí:língé,méngkeb-mé:rebé..
Doksiri দকচিৰি, ফেব্ৰুৱাৰী, ২০২৪
No comments:
Post a Comment