ANÉ AGOMSÉ YOGMÍLO
Debanondo Pe:gu
Ané agomsé yogmílo okolok pa:yékun ?
Omma:ngé simílo ané aki:lok pa:yéku
Galug -gasoré bedmílo bojarlok pa:yéku
Anébí simílo okolok pa:yékun ?
Amí:dé du:mílo agléngé lé:yé,anné bojéla gíyé
Appuné punna a:yé e:yé
A:yédé minmílo amliyé len-yé
Amli:dém lemílo/pidmílo otsuré suryé
Amí:dém té:mílo/ kérmílo okodé du:yén ?
Dírbí dírlab otsuré agom amílokké surlendak
Yelam léppíré agom amí:lokké pírlendak
Anéké agom amí:dé turla du:ma:mílo
Do:nyi,po:lomésin mukkangé yi:tiddag.
Agom yumrangé parsí:la gídung,
Agom dopagné simíné bojéla gídung
Anémé bojarlo kopagné omma:ngésin lendung
Bík turnané bélamdo podme:la gídung.
Ané agomsé yumra:lo gínyoksupéké
Sé:kai bojarlo kopakpéké
Agomsém simíné dopakpéké
Émna mé:né omma:ngé kama:pé ibomdung.
No comments:
Post a Comment