NO AILA DU:LANG
Otsur Pait
Gogamukh
Ngok kotsa:la lunam
Atí agomdéi
Nokképé yogmopé idumílo
Ngokké lupénam kama:
Okkosin kama.
Aidung émna okodém luyen
Miksé alumpé dídung
Angké:bo ní:pinna dung.
Ngok koyémla yirnamdéi
Nokképé
Donge ésarémílo
Nom kangge:la
Mé:po pongge:ma
Aglí:dag émyoka.
Ngok bérra ka:namdé
Nokképé
Muklíng yariyémílo
Nom bérra
Lékosin kangge:ma
No mé:pola
Du:míloi aida.
No ngom
Lulíngé ge:língé
Okolokkéi alum alumpé
Kérpé kérren daggom
Ngo métkumla méyé
Turra du:dakso
Kapéi idaggom .
No mé:pola du:míloi aida !
No yirra du:míloi aida !!
No lo:dípé
Ésang anpola du:míloi aida !!!
Doksiri দকচিৰি, এপ্ৰিল, ২০২৪
No comments:
Post a Comment