KAPÉ SÉMPÉ IKAN

 

KAPÉ SÉMPÉ IKAN

                          Shuvra Pe:gu Dole:

Do:nyiké lí:sangkolo lí:míndag 

Po:loké nébír bírkolo bírmíndag 

Yupkolo yubmíndag 

Kapkolo kabmíndag 

Yírkolo yírmíndag 

Pínyosé tébégla du:dag. 

Gakeblo keppéya ?

Payégla lépéya ?

Okolo mosíngpé ?

Gulung ru:yi:do dungge:la 

Mopísém gígobodag 

Mikké yí:rumdag 

Metpe: dé:rumdag 

Rakodé orumdag. 

Kapé sémpé ikan !

Lamté bélamlok ríksunam kídí:démei 

Jirjir  merdangké, Do:ying botéké 

A:bangko í:bido.

Ngeyodge:l gípagdag.

Do:lulo píyagé kaptokumang 

Aríglo poyubé katokumang 

Okumlo selabé katokumang 

Lamtélo nésiné sa:latokumang.

Réngam lottalo 

Lé:nong marbangé mantokumang 

Pa:noibí pígolo ursu:tokumang 

Jongki:bí:sin a:né ru:yido oi ni:tomém tomtokumang.

Yakasibí lésutsula du:pakkang 

Enjelbí lésutsutomang.

Ngom oné o:bí 

Sé mo:písé kama:bong 

Akon o:bí ngakí: ngakí:la turra dung. 

Airu:pé ka:po kanganpé 

Mosang ege:ko, pé:re: geroko kepreksuge:la 

Toya:la dung kanggo:sukolo. 

Kapiyén  ? 

Mité migomtomang.

Méngki: méngadla ngo 

Gulung ru:yi:do somanbola dung.

অৰ্থ : 

Jirjin merdang  - দেৱ-দেৱতা  

Do:ying boté  -  জ্ঞান আৰু প্ৰজ্ঞাৰ পিতৃ।

Doksiri দকচিৰি, এপ্ৰিল, ২০২৪