KANGKÍMA:DA

 KANGKÍMA:DA

                           Dipkesh Kaman 

Nom silo kangkíma:da

Kapé aidun! Ésaladun no

Sargomlo tatpadag nok gomugém 

Sékriné ayirdo tadngaksudo

Sargomlo kapadung nok migmo:ém

Yubdí:do kala yubngaksudo

No kapé ! Airupé aidupei.

Silo asinang onamé ater ateré ngo

Bo:bí lo:lin ésardo yéddo ngo

Nok gompirém tadlíla

Lekoném apin do:dagdo nom mé:pal

Jamdung émna ai:yom ké:yagsudo

Nom kínggipé asinang ola.

Ammé taddag kangkímane su:lopé émna?

Kérapé gí:gel ayang bikímane émdag

Ngo okko èmna luyén?

Nou:weidung motélo kapé lubiyén.

Doksiri দকচিৰি, এপ্ৰিল, ২০২৪