Édílo Ngo Siyéji, Ngok Mé:bomsunama

 

Édílo Ngo Siyéji, Ngok Mé:bomsunama

Rite Rhythm

Édílo ngo siyéji, 

Ngok mé:bomsunama,

Ngok légapé mé:dír ni:tom tomyoka;

No ngok dumga:do appun amíng leyoka,

Odokké igyum biné appun ísíng-ngémsin leyoka;

Ngok talédo gené nésin sa:tok

Pédong éla tangarlo jula;

Mé:pa lí:míloi mé:palang

Odokké mitpan ní:míloi mitpannangka.

Ígyumém ka:beg ma:bo,

Pédong ésarémsin anbegma:bo;

Ngo tadbegma:bo kou péttangké ni:tom tomnamko

Rokomdok porok kognamko

Asin ara:bo kinamko

Yumma:ri ara:do ma:nying ma:la 

Okodé sa:la odokké oa ma:ji,

Mé:pola ngo mé:pa:la:yeji

Odokké mitpanéi la:yeji.

Doksiri দকচিৰি, মে, ২০২৪