DO:YINGKO DUNGKANG
Mg. Ranuj Kumar Payeng
Do:yingko dungkang.
Su:pak
Ma:nyipé ikangku
Obonori a:né sullido
Dígín bírdug adído
Sulli pimpud
Ayang ukum momando
Génam okkon kinsumangai
Donam okkon kinsumangai
Mé:po mé:dír lo:tungai
Aklíng jirlíng lo: tungai
Ayiré toyatomang
Adíé gíladtokumang
Édé ayir adídé aín murkongéng
Abarungko aré kayadagai......
Asin arang ara:bo
Mé:tidla:ma:nam gené yalo moimangko dungkang
Su:pak léngkanla:tokuma
Mago magodaggom mabegla:tokuma
Do:nyibí longélo dungngai kanggabla
Po:lobí yumélo dungngai unte: unte:la
Karpumpuli takarém lolad ruadbosula
Lékoda pa:yekubo:lang
Édé rémagné asin adídém
Mé:ying-mé:yod kama:né
Naré to:to:n
Édé adídém !!
Doksiri দকচিৰি, জুন, ২০২৪
No comments:
Post a Comment