YALO KA:MA:NÉ ADÍ

 YALO KA:MA:NÉ ADÍ

                                  Shubhra Dole:

Ngok aipé mé:nam kí:dí:dé 

Ngokkolokké aso:aso:pé gíbadbomdung.

Ngok lotta:dok  lenam appun bari:dé:sin 

Kamponé appunong pundung.

Ngo:tu odo lí:né appuno:ngém letagai

Daryug daryula.

Ngok asin lotta:dok so:manna du:né

Méngkí loundémsin yupagbomkang

Okologji kangkinma:nam Yugo:né ésardé 

Abarungko mo:tépé.

Pílennam kangagsunam  ge:lungsésin 

Ngokkolokké aso: aso:pé kékursudung.

Ngo:tu bík kebrégdok bugabla agamo:la dulí:dag.

Asinsok rongki rongki dém 

Seuali appunpé punbidag

Koktí:purugdo angkéng taléso.

Édémpila ngo yalo kama:né adímé taddo.

Kapila sémpé idu:n?

Ansíng ansíngpé pu:rumge:la gíbaddag

Atí:kosin lubima:pé.

Léko léko ngok leke:kédesin gípaddag.

Adíké  lédí:lo lékorém kormínla.

Ngokké sí:sang mímbíré

Lékoda gíladdakku 

Bík gípaddodo.

Ngokkolokké ako ako:pé appíngeí 

Yokpag bomdung 

Kapila ?

Aín murkong ka:ma:laji  !

Odokké adíké lékoréji  !

Édémpila ngo yalo kama:né adímé taddo

Kapila sémpé idu:n ?

Ansíng ansíngpé pu:rumge:la gíbaddag 

Atíkosin lubima:pé.

Doksiri দকচিৰি, জুন, ২০২৪