চকুলোৰ ওজন কিমান
ৰূপা গগৈ
নৈয়ে নাজানে
নৈ হয় বাবে বৈ থাকে নে
বৈ থকাৰ বাবে নৈ হয়
কোনে জানে
কাৰ বুকুৰ মাজেৰে
কিহৰে নৈ বৈ আছে সংগোপনে…..
ভাললগাৰ বাবে ভালপোৱা নে
ভালপোৱাৰ পাছত ভাললগা হয়
আছে নে এই
ভালপোৱা ভাললগাৰ কিবা
সৰল সমীকৰণ
যাৰ লাগিলে আউল
ভাঙিব পাৰি সহজে
ক'তো অকণ নলগাকৈ কেণা….
চকুলোৰে কঁঢ়াল বন্ধাৰ ক্ষণতে
মলয়াই আহি কাণে কাণে কৈ গ'ল
কাষলৈ নাহিলেও
হৃদয়তে আঁকি থোৱা আছে
গোপনে তোমাৰে ছবি
দুচকুৰ কাজল নদীয়ে
উঠিল পুনৰ উচুপি
দুচকুৱে নাজানে
চকুলোৰ ওজন কিমান….!
Doksiri দকচিৰি, জুলাই, ২০২৪
No comments:
Post a Comment