নিদ্ৰামগ্ন নীলাচল
চন্দ্ৰপ্ৰভা বৰ্মন
গুৱাহাটী
ঐন্দ্ৰজালিক নীলোৎপল
নীলাচলৰ চূড়াত ইন্দ্ৰজাল
কবিতাৰ মুখৰতা নীৰৱ হ’ল
নিজম পৰিল সংগীতৰ সুৰ !
মহাজাগতিক প্ৰকৃতিৰ নীৰৱতা
সসীমত অসীম লয় ...
অৱচেতনাৰ উৰ্ধস্বৰত
যুগান্তৰৰ উৰ্ব্বৰা শক্তি
পুৰুষ প্ৰকৃতি শায়িত
নিদ্ৰিত নীলাচল...
এয়া কি শেষ এন্ধাৰৰ হাতবাউল !
ওঠৰ ভাষা ডুবিল ! ভাৱ প্ৰাণৰ স্পন্দনত
সৰ্ব্বেন্দ্ৰীয় অতীন্দ্ৰিয়তাত আদিশক্তি
স্পন্দনহীণ ৰোমাঞ্চকৰ অনুভূতি !
বাহিৰত ডুবে নৱজাগৰণৰ আহ্বান
আভ্যন্তৰত নিগূঢ় মৰম !
এয়া কি নিদ্ৰা ! এয়া কি স্বপ্ন !
নে এয়া কি জাগৰণ !
নিজম নিশা নিয়তিৰ নিস্তব্ধ
নিঃশ্বাসত নতঃশিৰ নিশাপতি
নিদ্ৰালস নিস্পলক
নীলা নীলা নীৰ নীৰৱধি
নিদ্ৰামগ্ন প্ৰেমৰ মহাকাল নীলাচল !!!
Doksiri দকচিৰি, জুলাই, ২০২৪
No comments:
Post a Comment