MÉ:PO OKUM

 

MÉ:PO OKUM

                           Mg. Anil Mili

              Telam Rangoli, Jonai

Turnan bélam lamboné

Ainé lékor korboné

Mé:dír okkon kinsumang

Mé:po sikur kurrené

Mé:po okum.

A:péné longélok do:nyingé

Alam lambola gíné

Do:nyi podong ésarlo

Tedra:sula dunggéng

Mé:po okum.

Okum érang ngasodém

Ajon lédulo kígéngé

Yampo longélok ager

Amyang kamap gerboné

Mé:po okum.

Ayiré sí:tokla gídagku 

Adílok agerém méngabmodungku

Germurnam agerém méngkinmodungku

Ajon lédulo mé:pomodungku

Mé:po okum.

Doksiri দকচিৰি, আগষ্ট, ২০২৪