NGO AIRU:PÉ DÍGDAG

 

NGO AIRU:PÉ DÍGDAG

                                          Digen Taid 

Nom ngo okokosin

        Ila:mang émna mé:la

Ngokké sí:sangém

        Ngom anka:la ka:yoka.

Kapérung imílo ngok 

        Amiksé dígyéne dígmane

Émnamémmpé ngokké 

        Asiném yuka:la ka:yoka.

Odobong luma:lang

        Ngokké ka:beksukolo 

Ka:lí:ma:nam ammem

        Gíjon suyog émma:lang.

Édésin pí:ma:la no

        Ngom lé:su lé:sula

Ami luposunamdém

        Nom okko pa:du:né.

Odokkésin no ngom

        Okol duksi duksila 

Sargomkokki ríksula

        Se:kom lupo sudu:né.

Ngom okodémsin

        Kinma:némpé mé:la

No gísíg gíríksula 

        Okodéméi ila:yébon.

Ngo nokké séuém 

        Appíngém kinna dung

Konggaksé:gom ako

        Ka:nané amigé dung.

Éddíkopé léng-kanna 

        No ngokké amírsém

Ya:mopé mé:daggom

        Ngokkém mosí:sula:yé.

No:pag nokkém no

        Kinsula du:lang-ku

Amidé nokké édé

         Sisa:dém seyutpéké.

Nom ka:lang ka:la

        Ngo airu:pé dígdag

Nog do:yingém 

        Tadla aipé ya:namé.

Ngokké agomsé

        Aroma:míl ka:sulang

Lédu gampé no

        Pa:suyépé ba:lagém.

Doksiri দকচিৰি, ছেপ্টেম্বৰ, ২০২৪