তুমি আহিবা
বিকি বৰ্মন
কাৱৈমাৰী, তেজপুৰ
অঘোনৰ কুঁৱলিয়ে বাট ভেটিলেও,
তুমি আহিবা ।
ফাগুনৰ ধূলিয়ে চানি ধৰিলেও,
তুমি আহিবা ।
বাৰিষাৰ বৰষুণে আগুচি ধৰিলেও,
তুমি আহিবা ।
তুমি আহিবা কাৰণ মই বাট চাম তোমালৈ।
বাট চাম চ’তৰ শেষলৈ,
বাট চাম কুলিৰ মিঠা মাতলৈ,
বাট চাম প্ৰতিটো ঋতুৰ আৰম্ভণিৰ পৰা শেষলৈ,
মাথোঁ তুমি আহিবা।
চিতাৰ বগা কাপোৰ খন গুচাই
তুমি আহিবা।
তুমি আহিবা কাৰণ মই বাট চাম তোমালৈ।
তুমি আহিবা।
Doksiri দকচিৰি, এপ্ৰিল, ২০২৫
No comments:
Post a Comment