KOMBONG PO:LO
Janmoni Kuli
Boikunthopur Restcamp, Jonai
Gínmur po:lodok sarné gnimur ésardok
Sarténg sartélo sargo mingéla
Kombong po:lobi anu yamnémpé
Séru bomru sugéla giadung.
Kombong po:loké lékor korténg kortédo
Anu nésin néminé néiyé nénganpé ngansa:dung
Mépo méngan la soyu pakkom bisín
Déngo déngola tatponé gomugki kabrik sudubung.
Lékoda Kombong po:lo adungkubong.
Nampo naman né appun lok otsurésin
Kapo kangan pé nginnéndubong
Do:po do:ngan né apí-ayésin
ísíng aki lokké léndubong
Kédang appun bisin pungéla
Duténg amingém kapo modubong
Lékoda Kombong po:lo adungkubong .
Kombong po:lomé kangkolo...
Pédobisin gidung....
Pédong alékko pala
Mopísok nésin-némin tapum-tarí
Apídé rélékpé mépodung,
Kombong po:loké anu longéso
Jarné jarmang isingésin
Géjik géropé jarropdubung
Mo:pisésin anu attarém gédubong
Lékoda Kombong po:lo adungkubong.
Doksiri দকচিৰি, এপ্ৰিল, ২০২৫
No comments:
Post a Comment