ASIN AJON

 

ASIN AJON

                  Janmoni Kuli

                                Jonai 

Sé mo:jarné dong amoso

Lo:nyik turra dungkoso 

Mé:ta-mé:mala méngkin suné ayirdo 

Longéko nom ríksuto.

Ngo nom minom kisa:pé riksupo:tagai…

Émpige:la silo no... 

Ngok asinsok mé:bomsunam ajoné. 

Du:dírné ayirém du:po bonné no

Mé:dírné asiném mé:po monné no 

Ngok gíté:lok gíjoné no 

Ainam-aima:nam, donyi-domoko kíge:la

Rélékpé yírjon ajoné no 

Kindan..! Silo no ngok asin ajoné. 

Adíé ngonyim kapé ríksumokaji

Édémí:pé longéko gípan sumoyékupé 

Du:pan sula angu angu bélamlok 

Lékorém korpan sula kordaggom 

Lékopé du:jon sunam ayirsé 

Mé:pa:pé gesi geyomla jarla du:yaryé.

Doksiri দকচিৰি, মে, ২০২৫