(Nébíngké Lupénam ) সম্পাদকীয়...
Ainé Ékér Léga:pé Yirtok
(সুস্থ জীৱনৰ বাবে হাঁহক)
Aro:dém lumílo sé mo:píso yirma:né tani:ém akosinéi malenna:pémang. Mé:dír-mé:song, mé:po-méngan appí:doi ngolu asin arong arongo:pé daggomsin aíwé yirsudo. Édé yirnamdé ékérlokképé éddíko ainé agomé:ji édém kinné asak kindag, akke: kinmang.
Aro:ru:pé yirra mé:pola du:lanamdé ngolukképé kiné: ramné:m aimokuné kuseré:mpéyang ayya:yapagné kusere:é.
Kapila ngolu yirpé lagidang ? Yirnamdé ékérlokké:pé éddíko laginam attaré:n kai kangkí:lai. Lupodanna lupé lumílo yirye:mílo tani:é mé:po-ménganna du:do. Kangkan-ka:yumla du:do dokké:sin yirnamdé kinam-ramnnamlokké:pé aido, yirra mé:pola du:mílo ngolukké kinam-ramnémé yogdo dokké:sin yirnamdé blood pressure-lokké:pé aido, asin mé:dírém yogmo:do, kinam ramnam a:mo:ma:pé du:bodo.
Lo:dím yirra mé:pola du:lanamdé ainé ékér odokké tani: turyarra du:monam léga:pésin aido émna pinnyo kané bottané tani:é lugé:la gíkang. Yirnamdok aré:dém démmo:pé lungablamang. Yurnamdé ammemsin munga:la nok kéra:do mé:po ménganna du:modag. Émpila loddém yirra du:namdé ngolukké ékérlokké airu:né murko: bima:pé pa:nam ayya:pagné ru:néké binam kusere:é emna ludo.
No comments:
Post a Comment