BORÍKSULANGKU

 

BORÍKSULANGKU

                                   Digen Taid

Nokké so:manko lotta pédu:lo

Nokké yupko so:yar pe:jo:lo, 

Ngoué aginpé du:bila:manggom

No mé:lang-ka ngo:sin du:némpé.

Nom sé:kaiyé goksuné kamanggom

Ngo goktonémpé gogríksulang-ka, 

Gípadné kamanggom nokké ru:yilo

Ngo gípaddu:némpé ka:ríksulang-ka.

Nokké amig migber tu:bído

Ngom kanggo:la ka:pa:manggom

Ngokké moimangém ma:nyi:pé

Ka:su ka:mula ka:pa:tílang-ku.

Kang-kansuné édé ka:yumsuné

Nokké amír asin éssangém no

Ngom léng-kano: sulang-ka, 

No ngom dakkano: sulang-ka. 

Lunying-ké dítagdo:manggom

Lunking-ké dítago:do:daggom

No lékkong-koi gíríksulang-ku, 

Ngom pinyobo:koi dagríksulang-ku. 

Do:ngé amo: sido édíloi ngo

Kapéikila bígémpé kakumanggomsin

Bírdug a:yékum mé:pa:lang-kubong, 

Mullang alangém bisulang-kubong. 

Kéno:la gígo:l du:dagdolo ngom

Ambín gíntung-ko pilledbilang-ka, 

Nokké lakke lakpong alagdog

Urom ésarpé sargo:la du:dagdo.

Tí:líng-ki ukpí píkagla ngo

Akon akoném ukkal ka:dagdo

Médbu mékadém no kadlígma:pé

Ngom ansín asiko píledlígbilang.

Doksiri দকচিৰি, জুন, ২০২৫