NGOK NI:TOM

 

NGOK NI:TOM

                      Bhorot Taíd

                    Saboti Do:lung

No ni:tom lätkítang?

Ngokké Nitomém,

A:ng ara:bok

Asin tolíksula

Monam ni:tomdém.

Tatkíma:mílo

Sé:kosinéi tatkinmang.

Émdogom 

Édílai asin agomki

Ngo:sin ni:tom modo.

Sigo ni:tomko

Turgo ni:tom,

ru:ru:bné yumrang ara:do du:siksula du:ngge:la

Yo: yumma:pé atéré atérpé.

Ngok ni:tomdok agomém

Ayiré  taddag.

So:yo Péttadé 

Dé:la dé:la

Ni:tomém moyirdag,

Ngom ésaré saryirdag

Tatpodopé  tapungém mudbidag,

Tatík kídardé lu:pi  tubbidag

Tamuli Tatkom, Nya:nyur

Meker kídardé

Ngok  ni:tom mokodo

Írroi émla jé:lígbidag.

No tadkílí:doné ?

Ngokké monam ni:tomko.

Ngo ni:tom modo 

A:né ru:yiké sullido

Jé:la oi:ya ajona émla.

Édém tadlí:la 

Ésíng tu:yi: tu:yilo

Dénggo dung 

Ajon kama:né

Péttang kídardé 

Ajon mala

Ngom bérkutsula ka:dag

Ngok ni:tom tatpa:la.

Bulu tatkín du:pé 

Ngokké  monam ni:tomdém

Bulu kindu:pé 

Ngokké asin ara: do:yi:dém

A:ng arang agomdém.

Doksiri দকচিৰি, নৱেম্বৰ, ২০২৫