IKI:DÉ IKI:RUNGÉ
Digen Taid
Dopa: tí:pa:ma:yémílo puktagné iki:dé
Tamyodém kéryetsula aíké tapo:dém
Namka:sula do:nédé,
Kampodag yakadag ki:bo iki:ko
Médbudag lí:dag iki:rungko.
Bíkké tamyodé édílosin bítolgmang
No gasumko bujon joron pésong
Idi:pé ki:kerémpé kéryetsuyépé,
Sí:lung lamtélo ami okum kétíglo
Duggo:la gaggaila rago:né.
Sékkaiké dodgang mida:lo
Urom bikolo ami dongad dogo:né,
Dorug jo:pag ékkamlog apiném
Ge:mínsula yaktala donné.
Lambé araidém i:pang a:yo:dém
Bíladla kapí:la:mangkolopé dugnéko;
Néríppé lamté gíkinsuma:la
Dugma:pé gíkinma:né botumko.
Ríndaggom ríntumla:pe lang
Anying kama:n iki:dém
Ya:né mala yaggo:né botumdém
Sikkongko bomla ménpaglíyégom
Dugérpénamdém tani:dém kelatsudag.
O:na iki:yém aya:la aré kapélang
Bí tani:ké ayangém kangkinmang,
Iki:yém aidag émgu:mang
Ayangém anbeksula
Tani:ém sumgabla gamdoku;
Namsu:nédém donédém gagjetsumílosin
No ngonyikké alaksé namsu:yé.
Doksiri দকচিৰি, জানুৱাৰী, ২০২৬
No comments:
Post a Comment