KOKTÍ POROG KOGDODO

 KOKTÍ  POROG KOGDODO

                                                 Mg. Hitesor Kuli

Obonori Bogum

Ko:jé yanggo pa:ta:do

Gígo:la du:né yalodé

Jéyid po:pidné golu:do

Kinsuma:né sila du:né tani:dé

Darmo:sula tadbegdung

Bomjé Bogum do:lu:dok

Anu yaménglok donam ínamko

Odokkésin tadbegto–

Gémyarné mirém éra:dok

Oji:ng ko:dokké–

Na:né, na:na émna

Yuglang kénola–

Jé:la jé:la kabnamko.

Édém tadla

Bíkké asindo

Mé:dugé bojerungko angkang

Bí mé:sudung

Sémpéi aso, aso:pé yoga:dun?

Tani: yenamsi

Díyu bírduglok

Kartang yumélo

Ta:to, ya:yo-bí

Leke do:yingém kíbidagai

Ngoluké réngamsé

Dírbí mirémné opíné

Agom mírémné réngamé

Ni:tomé kasuné

Í:r pongkír monané

Agomé kasné

Opín kangkin sunané

Réngamké

Abígé dung do:jig  jignané

Potiné dung  bomgol ponané

Émpigela–

Kapéi idusong–

Asi kaman pa:ta:sokké

Atssé bíttér katomang

Mé:bol du:né mo:pí:sok

Rago ko:tér katomang.

Doksiri দকচিৰি, জানুৱাৰী, ২০২৬