Ayang Po:yub
Lili Dole: Pe:gu
Uriamguri, Gogamukh
Ngonyik ayang alangki
Pargabla parlenné gomukko
Siyo ngo tatpa:suto
Atérpé du:dodo
Ngonyik ayang po:yub okumdo.
Ka:pí-tatpí:ma:nam
Ake agomésin
A:ng asiném aipé mé:pomodag
Édémya:pésin mé:pobodag
Anbeksunam agomkídí:dé.
Pa:rí: rí:tér kama:pé ríngko
Ngonyik ayang po:yubdo
Punlenpéné appundé
Oko appunpéi iyesong
Sé:kosin lula:mang
Émdaggom ngo ru:némé kumdo
Punnenpéné appun arí:dé
Namo:la punlentéika
Kangkanoupé jartéika
Gejig geyoppé jaryartéika
Toya:l dungko
Ngonyik ayang po:yubdo.
Doksiri দকচিৰি, মাৰ্চ, ২০২৬
No comments:
Post a Comment