Gipun

 Gipun

                Rahul Sondi

No lendu:bo:ne, lígang songkapé?

No moninsudu:bo:nei

Ri:pum, ba:pun, lakpun odokké dumpuném?

Nok  líga:do:pé mosí:sunamdém ka:la 

So:dung po:pír-pírnu:ngé,

Modung péyi:péttangé

Tatpo-tadanné oi ni:tomém.

Nok kangkanné nabberdé

Lí:jíg lí:jípé írga:dung.

Nok napí-naré:né dumíddé

Ésar sarténg-sarté:lo silung-lu:la  ka:po-kangané.

Nok lépun-lakpuné, 

Ba:pun-ba:pu:né í:ré-pongkíré,

Nok líga:ng songkapé lenamdém ka:la ngo, aíém aíé mitpansugédung.

Doksiri দকচিৰি, মাৰ্চ, ২০২৬