Líga:do Gílangka

 

Líga:do Gílangka

                                Lili Dole: Pe:gu

                    Uriamguri, Gogamukh 

Ngoluk mé:bomsunam  

Gí:dí:Sí:pí

Ali a:yé Líga:do

No gíma:pé 

Du:yoka dei......?

No gíye émna 

Ngok asinbok

ayang appí:dém

Purang akun kunkampé.....

Kunna lé:bitag nok léga:pé.

No gíye émna 

Ngo érkog gasorém,

Yakan mibu galugém

Kangkano:pé sumge:l 

Pirra lé:bítag.

Nom líga:do dobopé émna

Amsan adin, ngosan ongo,

Po:ro, nogin apong 

Odokké....

Purang apin,

Ngerek oyingém,

Makumsula lé:tag.

Lígang longédo

No gíye émna 

Rí:bí gasor, yakan ege

Kangkanopé gége:l

Nom tejjonpé émna

Sumgel lé:tung.

Liga:do no….

Ngom aipé mé:nam

Appí:dém oi ní:tompé tombilang,

Dumdum lu:pi manbilang.

Ngosin nok léga:pé kunna

Lé:nam ayang akundém

Gumrag-paksongki

Songkanbipébong.

Lékoda gogdungku

Líga:do gílangka dei.

Doksiri দকচিৰি, ফেব্ৰুৱাৰী, ২০২৬