Asin Mé:tom
Bishnu Padi
Ngok asin ara:bok
Ígí íyagla du;né mé:bo agom gomug gompirkídí:dé
Ngok asin mé:tomé
Ngok mé:bodé
Ngok ka:lí:namdé
Ngok tatní:namdé
Ngok dolí:namdé
Ngok tí:lí:namdésin
Ngok tomní:namdé
Ngok so:lí:namsé
Ngok gélí:namdé
Ngok bomlí:namdésin
Ngok polí:namdé
Ngok adlí:namdésin
Ngok asin mé:tomé.
Mo:tag mo:taglo gígola
Ngok amiksok kanggolí:namsé
Po:lo ta:karké do:luto du:mínní:namsé
Kampon mukkangké
Kekon kesakpé
Yingko yingkolo yinggolí:namsé
Ga:né arang ara:bo
Ansing ansingopé yupgolí:namsé
Dité taléng talé:to bargolí:namsésin
Mo:lungké lédulo
Péyi péttang kisapé turmínní:namsé
Ngokké asin mé:tomé..
Na:n ba:pké
Bíro bírméké léga:pé
Du:nané turnané lamtéko
Ngok réngam léga:pé ainé lamté
Tarungko ru:bola sigbomppé mé:namsésin
Ngok asin mé:tomé...
Ngok Asin Mé:tomé
Doksiri দকচিৰি, আগষ্ট, ২০২৬
No comments:
Post a Comment