অনন্য জীৱন

 অনন্য জীৱন

                                মিনু হাজৰিকা 

                                        গুৱাহাটী

 প্ৰাতঃভ্ৰমণত দেখিলো

এটি ফুটপাথ বালক ৷

বিশালকায় জাবৰৰ বাকচ এটাত

খেপিয়াইছে সি

মনে বিছৰা নহয়

জীৱনৰ তাগিদাৰ

এক দুৰ্লভ

পেট পূৰোৱা খাদ্য সম্ভাৰ ৷

য’ত থাকিব হয়তো !

মোৰ বা তোমাৰ সন্তানে খোৱা

কালিৰ পিজ্জা বা ফ্ৰাইড ৰাইচৰ

এৰেহা ,গোন্ধৱা

কুকুৰ শৃগালৰ আহাৰ ৷

তাৰ বাবে এয়া কোনো

আশ্চৰ্যকৰ বিষয়েই নহয়

ই তাৰ দৈনন্দিন

নিত্য কৰ্মৰ এটি সমাহাৰ ৷

পালে খাম

নেপালে ভাগ্যক ধিয়াই

কাইলৈ আকৌ আহিম

এই একেটা জাবৰৰ

বাকচত ৷

মহানগৰীৰ লোকে

প্ৰটিন জাতীয় খাদ্য খাবলৈ এৰিতো দিয়া নাই !

যেনেদৰে লবলৈ এৰিছে সি তাৰ জীৱন বচোৱা

মুখৰ মাক্স !