Kangkin

 KANGKIN

                                            Néríng-Ismail Husein

                                   Misi:lo:pé-Mg.Bhobo Dole:

Ganggíng kéra:do

Ongkordeb lokki luposula dungngai

Kangkinsudannai ngom taddagai

Ngok opín okkon,

Ngo lupéyé-luge:ma:ya émge:la luto

Ngok opíndok amin tani:,

Tani: ainam léga:pé ngok agerré.

Modjit kéra:do

Ojorot mommotki luposula du:dodo

Lémnyi kangkinsudodo ludagai

Ngok yelam agomko

Ngo lupéya-luge:ma:ya émna luto

Ngok yelam milenné.

Girjalok kéra:do

Jisukistoki agom luposudodo

Léum kangkindo ngom taddagai

Ngok na:néké amin odokké kangkin agomém

Lulí:manggom ngo luto

Mo:písok takam na:nédé ngok na:né

Buluk du:tédé ngok na:néké du:téngé.

Mondir kéra:do

Sibokokki luposudodo

Léppi: ngom ríksula ludagai

Ngok agin du:téng agomko

Lulí:manggom ngo luto.

Mé:yumsunamki luto

Ainé asin géné tani:lok asin ara:do

Ngok du:téngé

Odo bí aso:aso:pé ngok kolokké

Susuksamakpé gípakkang,kapéné

Tayumnam édum do nok asiném

Bondoklo lé:tungai.

…………..×××××…………………

SadinDo:nyi longé, 13 J u : n 2021 dokkém atsonsunamé.