Pí:sug apin

 Pí:sug apin

Dhanaprova Mili Taw

Na:n ngo aríg gíyebo. Ngom gapoké apindo mo:tébilang dogela iskul gípaye. Ngoluk írang apinne:sin na:noibí moletyemalang kapila ya:yoké apinnardém no dolíngkan.Ya:yoké apindé na:na dopodagje émpilana. kapila abínédé ajjouko:sin dírman ? Ya:yoké abínédé pí:sug ambíné. Yampo ro: ngoluk ayirkídído: pí:sug apin ka:kumabo. Supaggei ki:parlo donam inné Kato:kumabo. Ki:parlok ínam a:mdé épo: lok gu:la gutírné ambíndé:pag pí:sug ambín apiné. Bím kangkanoupé níkkoddag . Yakané ambíndé:sin kampodakku. Ngolu ya:yo tatobulum abín opeyem a:ngupé apongémsin lísurlo rígnula bidag .No:sin míjí mílo: lisur apong pí:sug apin dopayepé. Na:na ngok míjídodo ki:parlok donam íyekubolang.