মৃত নদী
লক্ষী প্ৰসাদ ৰেগন
মৃত নদীৰো ঠিকনা হেৰায়
নদী নামৰ শীতল সত্তাৰ পৰা
তৰাং নদীত
মাছৰ উজান নুঠে
সেয়ে টুলুঙা নাওবোৰে মনে মনে উচুপে
গিৰীহঁতৰ কথা ভাবি ভাবি
এৰাল ছিঙা নাওবোৰে
নদীৰ মাজতে নিজকে নিজে বিচাৰিছিল
পাৰ বিচাৰি কাবৌ কোকালি কৰিছিল
পকনীয়াক বাৰে বাৰে
মৃত নদী সদায় শান্তিত শোৱে
কুলু কুলু বৈ নাথাকে নদী
নদী নদীৰ দৰে বৈ থাকিলেহে
জোনে নিজৰ মুখ চাব পাৰে নীলিমাৰ পৰ নামি
পপীয়া তৰাবোৰেও নদীৰ গভীৰতালৈ নামি আহে
চুঁঁচৰি বাগৰি
নদী হেৰাই থাকিলে
বণিজৰ নাওবোৰ ঘাট মাউৰা হয়
মৃত নদীলৈ গাভৰুজাক নাহে
নদীৰ পাৰত লুটি বাগৰ নামাৰে
পানী অনা কলহ
No comments:
Post a Comment