মই এক জীৱন্ত ভগ্নাৱশেষ ..
অৰুণ ভূঞা
যোৰহাট
কাল ধুমুহাত চুৰমাৰ হোৱা
ক্ষতবিক্ষত বাস্তৱৰ
হেজাৰ সপোনৰ
আছে কিছু অৱশেষ ,
মই এক জীৱন্ত ভগ্নাৱশেষ ... !
টুকুৰাটুকুৰ কাগজৰ পিঠিত
আছে মোৰ ঘৰ্মাক্ত
জীৱনৰ কিছু দস্তাবেজ
আছে কিছু তপত চকুলো ..
নিষ্ঠুৰ বাস্তৱৰ , সেমেকা দিনপঞ্জী
তাতেই পাবা মোৰ অৱশেষ ... !!
হয়তু কিছু আছে
আৰু ;
কিছু উৱলি যাব ধৰা
কল্পনাৰ স্মৃতি ...
তাতেই বিচাৰিলে
পাবা নিশ্চয় নিষ্ঠুৰ জীৱনৰ
ডোখৰীয়া ছবিও ...
য’ত আছে ;
কিছু , মোৰ অৱশেষ ... !
কিয়নো মই যে এক
জীৱন্ত ভগ্নাৱশেষ ... !!
আৰু ;
আছে ছন্দহীন সন্তাপৰ
অগনিত শুকাই যাব ধৰা
কণ্টকময় জীৱনৰ আলেখ্য ..
কিয়নো ;
মই এক জীৱন্ত ভগ্নাৱশেষ .. !!
No comments:
Post a Comment