Darra Du:to Nolu

 Darra Du:to Nolu

                              Tuniram Medak

Darra du:to nolu yuptabma:pé,

Miksi parin amig pirnyidém-

Kapésin migjepé mé:yoka.

Nuluk turko yabgom sikkamla -

Gípéko píang makolo gímoma:dung,

Turgo atíkosin lusa:la:ma:dopé

Noluk lí:pongém yumgíddung.

Turnané do:píném samjemla

Méngkídéméi bulu idung-

Bulugongké méngkípé,

Ití-gítíla ngergéma takamém-

Nolu migjemla du:tok émla mé:dung.

Noluk amigdém bulu-

Yogmo kané asiki pidrumpé mé:dung.

Noluk gíko lambedém bulu-

Tabíémpé ékkompé madung

Nolu tadmitoka-

Lambé kekon kesakpé tani:é

Lambélé noluk je:lamé darmo:sudung.

Do:míré, ésaré silo mamo:sudung-

Darra du:to nolu yuptappé mé:yoka.