Oi Nom Mitpanmang Ngo
Krishna Doley
Nalduwar Gaon, Majuli
Nokké bérra ka:namdé
Asin pokkí moduné
Nokké koyém yírnamdé
Asin simad moduné
Oko ayang bitoné
Ma:nyib lo:díp ka:dopé
Oko Agom luto:né
Dungkolo dunga la:mapé
Deuoi kapin longékon
Ngonyik lékop du:namdé
Deuoi kapin ayirkan
Ayang bimun sunamdém
Deuoi kapé mitpan-yén
Ngonyik du:bo sunamdém
Deuoi kapé mé:yok-yén
Ngonyik riksul du:namdém
Noué mé:pang kumane
A:né rago ru:yidém
Noué mé:pang kumane
Ayang bimun sunamdém
Kapin rago pumpitdén
Bolo bolop pu:du:né
Kapin oi nok ayangén
Míksém dímo du:né
Mising réngam lrroi
Mising Agom Irroi
No comments:
Post a Comment