Pargabla Dung Nok Ayangé
Tapan Lal
Ngok aglíngki
No édílai kabdupé
Ngok ge:namki
No édílai mé:dírdupé
Amik miksém atorowng dí:dupé
Méng-gu méngamapé
Dung-gu dungamapé
Léko tolopé
Léko bolopé
Gíyi-gísa:la
Gípit gíritsu:la
Gípaksupé mé:dupé
Ngok ayangém
Nok asin arabokké
Arang ara:bokké
Aro ayangém.
Mé:po ayirdo
Nok amírki kéjedla
Binam aya:dém mitpanladonéi
Kablíngém ri:tumla
Ngoggarkémpé
Nok juné nabberdok
Nok asindo ngo dung émnamdém
Ngok asinki mé:nyokladonei
Lékkongko luka émnai
Nok agomém mitpannadonéi
Lékkongko bika émnai
Nok ayangém mé:nyokladonei
Turra du:doso
Mé:pa:l du:doso.
No comments:
Post a Comment