অনন্য প্ৰতিভাৰ অধিকাৰী বিপ্লৱী শিল্পী অই আপ্পুন সূৰ্য্য কুমাৰ চিন্তে

 অনন্য প্ৰতিভাৰ অধিকাৰী বিপ্লৱী শিল্পী অই আপ্পুন সূৰ্য্য কুমাৰ চিন্তে

  কৃষ্ণকান্ত মেদক

অৱনৰি, লখিমপুৰ

     সৰুতে আই-বােপাইৰ মুখৰ পৰা বিপ্লৱী শিল্পী অই আপ্পুন সূৰ্য্য কুমাৰ চিন্তেৰ নাম প্রায়ে শুনাে। মানুহৰ ঘৰে ঘৰে বিপ্লৱী গীত গাই জনতাক সজাগ-সচেতন হৈ জাগ্রতৌ কৰিবলৈ গােৱা গীতবােৰৰৌ কথা। সােৱণশিৰি গাওঁ পঞ্চায়তৰ প্ৰথম গৰাকী সভাপতিৰ পৰা সামাজিক কাম-কাজ আৰু ১৯৭০ চনত গঠন কৰা মিচিং সমাজৰৌ বুৰঞ্জী বিখ্যাত সাংস্কৃতিক সংগঠন

“জংকি পানৈ শিল্পী সংঘ” গঠন কৰি তেওঁৱে প্রথম সম্পাদকৰ দায়িত্ব বহন কৰিছিল আৰু অৱনৰি বগুম গাঁৱত প্রতিবছৰৰ ভাৰত স্বাধীনতা দিৱস উপলক্ষে ১৫ আগষ্টৰ নিশা মঞ্চস্থ হােৱা ভাওনাত নিজেই ভাৱৰীয়াৰ ৰূপত অভিনয় প্রদর্শন কৰি দৰ্শকক মন্ত্রমুগ্ধ কৰিছিল। অৱনৰি বগুম গাঁৱৰ প্রয়াত বগা কুলি আৰু তাতৗম ৰেগনক লৈ ৰচনা কৰা গীতটিৰ কথা আই-বােপাইৰ মুখৰ পৰা প্ৰায়ে শুনাে। সুৰদি গাব নাজানাে তথাপি আইৰ সৈতে গাবলৈ যত্ন কৰিছিলাে। গছ-লতাকে আদি কৰি বিভিন্ন প্রজাতিৰ উদ্ভিদেৰে ভৰপূৰ অটব্য অৰণ্যলৈ পৰিণত হােৱা বগুম চিঃলুং ইয়াৰ স্থানীয় লােকসকল ধ্বংস কৰি পেলােৱাত ক্ষোভ উজাৰিছে চিন্তেদেৱে। যত আজিৰ যুৱ-প্ৰজন্মই কোনাে চিন মােকাম নােহােৱা বগুম চিঃলুং বিচাৰি হাবাথুৰি খাবলগীয়া হৈছে। সেইয়ে বগুম গাঁৱৰ বগা-তাতৗমক গীতৰ জড়িয়তে বগুম চিংলুং বিচাৰি এনেদৰে প্রশ্ন কৰিছে-

       বগুম চিঃলুদৗ অকলান? বগুম বগান লুকৗত

               বগুম তাতৗমা লুকৗত... অৱনৰি

       তৗব জেগব আঙৗমৌ গৗলা চিচুগ চিৰা ৰুগমানকৱাই

               বগুম চিঃলুদৗ অকলান?

      প্রাকৃতিক প্ৰাচুৰ্য্যৰ ভৰা নৈসর্গিক পৰিৱেশ। সােৱণশিৰি পাৰৰ বগুম চিঃলুং,কৗচুং, য়াগৰান, তাংকৗ পাতাং অৰু সৰু বৰ খাল-বিল, গছ-লতাৰে আবৃত প্রকাণ্ড হাবি, কুলি-কেতেকীৰ মাতত উদ্ভাউল হৈ থকা বগুম চিঃলুঙৰ অস্তিত্ব নিঃশেষ হৈ যােৱাত চিন্তেদেৱে গীতৰ মাজেৰে গাঁৱৰ মুখীয়াল দুগৰাকীক এনেদৰে প্রশ্নৱান কৰিছে।

         বিপ্লৱী শিল্পী সূৰ্য্য কুমাৰ চিন্তে প্রতিটো মুহূর্তত সজাগ-সচেতন হৈ জনতাক জাগ্রত কৰি তুলিছিল। বিশেষকৈ পৃথক ৰাজ্যৰ দাবীত PTCA ৰ জড়িয়তে ‘উদয়াচলৰ সপােন দেখা বিপ্লৱী শিল্পী সূৰ্য্য কুমাৰ চিন্তে

ৰাজনৈতিকভাৱে সচেতন ব্যক্তি আছিল। জনজাতি লােকসকলক একতাৰ ডােলেৰে বান্ধি নিজৰ ন্যার্য প্রাপ্য আৰু অধিকাৰ উদয়াচল ৰাজ্যৰ জৰিয়তে

সপােন দেখিছিল। জনজাতিসকলক ৰাজনৈতিক-সামাজিকভাৱে একগােট হৈ বড়াে, মিৰি, কছাৰী সকলােৱে শােষণ আৰু নিষ্পেষণৰ বিৰুদ্ধে বুকু

ডাট কৰি ওলাই আহিবলৈ এনেদৰে গীতৰ জড়িয়তে আহ্বান জনাইছিল।

ওলাই আহা....

ওলাই আহা....

জনজাতিৰ দল।

গৃহভূমি উদয়াচল বিচাৰিবৰ হ’ল

সংগ্ৰামত কেঁচা তেজ ঢালিবৰে হ’ল।।

বড়াে, মিৰি, কছাৰী, লালুং, তিৱা- দেউৰী

হােজাই মেচ,

ঠেঙালে একতাৰ ডােলেৰে

ককালত টঙালি বান্ধিবৰে হ’ল...

      উদয়াচল ৰাজ্যৰ সপােন দেখা বিপ্লৱী শিল্পী গৰাকী জীৱনে মৰনে অহিংস নীতিক বিশ্বাস কৰিছিল। যি সংগ্ৰামত নাছিল কোনাে দিনাই হিংসা- বিদ্বেষৰ দৰে জনতাক বিপদে পৰিচালিত কৰিব পৰা নীতি। তেওঁ বিশ্বাস কৰিছিল অহিংসা নীতিৰে সংগ্ৰাম কৰিলে এদিন বিশ্বজয় কৰিব পাৰে। চিন্তেৰ প্রতিটো গীতৰ বাক্যশাৰীত জনতাক জাগ্রত কৰি বিপ্লৱী সত্তাৰে সমাজক একতাৰ ডােলেৰে বান্ধি সচেতন কৰি তােলা। তেওঁৰ গীত সমূহত অতীত, বর্তমান আৰু ভৱিষ্যত এই তিনিওটা দিশেই সফলভাৱে প্রতিফলিত হােৱা দেখা যায়। কোনো আগতীয়াকৈ পৰিকল্পনা নকৰাকৈ হঠাতে যিকোনো পৰিৱেশ পৰিস্থিতিৰ মাজত সুন্দৰ গীত এটি সৃষ্টি কৰি সুৰ দি গাব পৰা ব্যক্তিত্বৰ অধিকাৰী আছিল চিন্তে। বর্তমান আৰু ভৱিষ্যতক লৈ খুবেই সচেতন আছিল। তেওঁ গভীৰভাৱে চিন্তা কৰিছিল ৰাজনৈতিক পাকচক্ৰত ডুবি জনজাতিসকল ভাগ-ভাগ হৈ থাকিলে ঠগ-প্ৰৱঞ্চনা, প্রাপ্য অধিকাৰৰ পৰা বঞ্চিত হৈ নিজৰ মাজতে বিশৃংখল হৈ গলে জাতি ধ্বংসৰ গৰাহলৈ ধাৱমান হ'ব। তেওঁ সেই কথাও ভালদৰে জানিছিল যে আন্ধাৰৰ পথৰ পৰা কেনেকৈ আন্ধাৰ নাশ কৰি পােহৰৰ পথলৈ অগ্ৰসৰ হৈ জাতিক বচাব পাৰি, চৰকাৰ যন্ত্ৰই অসমৰ জনজাতি সকলক বিভিন্ন ক্ষেত্ৰত বিভিন্ন সময়ত অৱহেলিত হৈ আহিছে। আৰু কিমান দিন এনেদৰে আনৰ গােলাম হৈ থাকিব। উচ্চ-নীচ, আপােন-পৰ ভেদাভেদ পৰিহাৰ কৰি সময় থাকোতে আন্ধাৰ নাশ কৰি পােহৰৰ পথিক হৈ একতাৰ ডােলেৰে ন্যার্য অধিকাৰৰ বাবে সচেতন হৈ সংগ্রাম নকৰিলে জাতি ৰসাতলে যাব। এইয়ে তেওঁ গীতৰ মাজেৰে জনতাক জাগ্রত প্ৰহৰীৰ দৰে কঁকালত টঙালি বান্ধি ওলাই আহিবলৈ অনুৰােধ কৰিছে এনেদৰে-

                 Yummé yora:lo takamé réngmé

                 Amiké lédulo yubla du:yobo

                 Kabla ri:la jé:la gogdung

                 Do:nyi ruwadé, po:lo ruwadé

                 Kinma:la Síddi longéko,

                 Amiké rumkí:lo

                 Duto ngolu kémo ji:jip amiké kéíglo

     উক্ত গীতটিত প্রকাশ পােৱা প্ৰতিটো শব্দই জনতাক জগাই তুলিছে। জনজাতিক লৈ PTCA ৰ জৰিয়তে পৃথক উদয়াচলৰ সপােন দেখা চিন্তেদেৱ গীতিকাৰ-সুৰকাৰ, সংগ্রামী শিল্পী, ৰাজনীতিবিদ সমাজ সচেতক হােৱাৰ উপৰিও এগৰাকী সাহিত্যিক হিচাপেও সমাজত পৰিচিত আছিল। সামাজিক-ৰাজনৈতিকভাৱে ব্যস্ততাপূর্ণ সংগ্ৰামৰ জীৱনত শস্যাগত গা-টোক লৈ যেতিয়াই নিঃসংগতা অনুভৱ কৰে তেতিয়াই নিজকে প্রশ্ন কৰে এনেদৰে-

               সঙ্গীত বনালাে মই

                       তবলা বজাব কোনে ?

               সুৰৰ ঝংকাৰ তুলিলাে মই

                       সুৰ দি টানিব কোনে ?

     সেই মায়াময় পৃথিৱীত চিন্তেদেৱে বিচিত্র জগতৰ মায়া দেখি কল্পনাৰ

গীতবােৰ বাস্তৱত সজাই তুলিব বিচাৰে । এগৰাকী সমাজ সচেতক আৰু

সাংস্কৃতিক কর্মীহিচাপে চিন্তেদেৱে জীৱন সংগ্ৰামত জীয়াই থকাৰ তাড়নাত

কৰা সংগ্ৰামৰ বাবে ৰঙা তেজ দি হলেও নিজ মাতৃভূমি ৰক্ষাৰ প্রতিশ্রুতি

গীতৰ জড়িয়তে এনেদৰে ব্যক্ত কৰিছে-

             বৰনৈ অলক্কৗ অৰুনাচলপৗ ঙলােক দুতৃংঙ

             ইইয়ৗম বিয়ৗ দুঃত তাকামল

          মিমাগ ময়ে তুৰদ তাকামল

          ঙলােকৗ আমচিম বৃগলেনৰুয়ে।

          উদয়াচলৗম লাঃলেনৰুয়ে.....

    অই আপ্পন সূৰ্য কুমাৰ চিন্তেঃ- দহৰ, দেশৰ আৰু মাটিৰ গীত গাই ফুৰা বিপ্লৱী শিল্পী সূৰ্য কুমাৰ চিন্তেক ১৯৬৩ চনত উত্তৰ লখিমপুৰ মিচিং ছাত্র অভিৱর্তনে মিচিং সমাজৰ প্ৰথমগৰাকী অই আপ্পুন’ উপাধি প্রদান কৰিছিল। যিগৰাকী শিল্পীয়ে তেওঁৰ জীৱিত কালত কোনাে দিনেই কোনাে উপাধি বা সন্মানক আগস্থান নিদিয়াকৈ নিঃস্বার্থভাৱে সমাজৰহকে কাম কৰি গৈছিল। সেই গৰাকী অই আপ্পুন সূর্য্য কুমাৰ চিন্তেক আজিৰ

সমাজে কিমান গুৰুত্ব প্রদান কৰে বা কৰিছে সেয়া বর্তমান সময়ত লক্ষণীয় বিষয়। মিচিং সমাজৰ আন এগৰাকী শিল্পী অই আপ্পুন গনেশ পেগুৱে তেওঁৰ আত্মজীৱনীমূলক গ্রন্থ ‘ময়েই অই আপ্পুন গনেশ পেগু’ নামৰ গ্ৰন্থখনত বিপ্লৱী শিল্পী অই আপ্পূন সূৰ্য্য কুমাৰ চিন্তেৰ বিষয়ে এনেদৰে উল্লেখ কৰিছে, "পিছে, সূৰ্য্য চিন্তেক মােতকৈয়াে আগতে ৭০ দশকতে উত্তৰ লক্ষীমপুৰ মিচিং ছাত্র সন্মিলনে অই আপ্পুন উপাদি প্রদান কৰিছিল। পিছে, সেই সময়ৰ জনসাধাৰণে সেই উপাদিৰে সূৰ্য্য চিন্তেক বৰ গুৰুত্ব দিয়া নাছিল। সূৰ্য্য সছাই মােতকৈ বৰ সুন্দৰকৈ অই নিঃতম গাব জানিছিল আৰু অনবৰত গাব পৰিছিল। মই নিজে বৰ মুগ্ধ হৈছিলাে। সূৰ্য্য সঁচাই অই আপ্পুন নামৰ যােগ্য গায়ক আছিল।” (পৃষ্টা-২৭) সেই গৰাকী অই আপ্পুন সূৰ্য্যঞ কুমাৰ চিন্তেক মিচিং সমাজৰ কোনাে অনুষ্ঠান প্রতিষ্ঠানে বিশেষ ধৰণৰ পদক্ষেপ গ্রহণ কৰা পৰিলক্ষিত হােৱা নাই। আনকি তেওঁৰ জন্ম বা মৃত্যুৰ দিনাও বিশেষ দিৱস হিচাপে পালন কৰি যুৱ-প্ৰজন্মৰ মাজত অধিক প্রচাৰ কৰা পদক্ষেপ আমাৰ দৃষ্টিগােচৰ হােৱা নাই। সেই ক্ষেত্ৰত বিপ্লৱী শিল্পী অই আপ্পুন সূৰ্য্য কুমাৰ চিন্তেৰ সৃষ্টিৰাজিক যুৱ-প্ৰজন্মৰ মাজত অধিক প্রচাৰ আৰু প্ৰসাৰৰ বাবে মিচিং সমাজৰ বৃহৎ সাংস্কৃতিক অনুষ্ঠান মিচিং দৃবৃ কৗবাঙে সৱল পদক্ষেপ গ্রহণ কৰিব পাৰে আৰু সূয্য-ন্যাস সমিতিক পুনৰােজ্জিত কৰি কার্যক্ষেত্ৰত অধিক শক্তিশালী কৰাৰ প্ৰয়ােনবােধ কৰাে। 

         সাংস্কতিক, সামাজিক, সাহিত্য বা ৰাজনৈতিক দিশত সমাজলৈ অনবদ্য অৱদান আগবঢ়োৱা বৰেণ্য ব্যক্তি সকল একো একোজন আমাৰ বাবে সম্পদ। যিসকল বৰেণ্য ব্যক্তিয়ে মিচিং সমাজৰ আর্থ-সামাজিক দিশত উন্নয়ণৰ হকে কাম কৰি গৈছে সেইসকল বৰেণ্য ব্যক্তিৰ জাতিয়সত্বা বা সংগ্রামী সত্বাৰ আদৰ্শৰে আজিৰ প্ৰজন্মই আগবাঢ়ি যাব পৰাকৈ মিচিং সমাজৰ বৃহৎ অনুষ্ঠান সমূহ জীৱনী প্রকাশ কৰি প্ৰচাৰ আৰু প্ৰসাৰৰ দিশত গুৰুত্ব আৰােপ কৰি এনে গ্রন্থসমূহ সংৰক্ষণৰ ব্যৱস্থা কৰিব লাগে। সময় থাকোতে এনে পদক্ষেপসমূহ গ্রহণ নকৰিলে সময়ৰ দলিচাত বিলীন হৈ গ'লে ভৱিষ্যত প্রজন্মই মিচিং সমাজৰ বৰেণ্য ব্যক্তিসকলৰ জীৱন-দর্শন বিচাৰি হাবাথুৰি খাব লাগিব, ই ধ্ৰুৱ সত্য। 

       ওপৰৰ বিষয়টি প্রয়ােজনবােধ কৰি মূল বিষয়ৰ পৰা কিছু আঁতৰি আহি মনৰ অনুভৱখিনিক ব্যক্ত কৰাৰ প্ৰয়াস কৰিলাে। এতিয়া আহাে পুনৰ বিপ্লৱী শিল্পী সূৰ্য্য কুমাৰ চিন্তেৰ বিষয়লৈ। চিন্তেৰ যাদুকৰী কণ্ঠত যেনেদৰে নিভাঁজ ঐনিতম নিগৰিছিল ঠিক একেদৰে তেওঁৰ ৰচনাৰ গীতত বিচাৰি পাইছিল বিপ্লৰ গান-সমাজৰ গান। চিন্তেৰ অদ্ভুদ শক্তি আছিল যে যিকোনাে পৰিৱেশত কম মুহুর্তত পৰিস্থিতিৰ সৈতে ৰজিতা খােৱাই গীত ৰচনা কৰিগাব পৰা। প্রয়াত প্রাক্তন মন্ত্রী ৰমেশ মােহন কুলিদেৱে সূৰ্য্য কুমাৰ চিন্তে আৰু গণেশ পেগু দুয়ােগৰাকী শিল্পীয়ে একেলগ হ'লে নুফুলা ফুলাে ফুলাব পাৰে, নবলা বতাহো বলাব পাৰে বুলি উচ্চ প্রসংশা কৰিছিল। চিন্তে জনজাতিৰ একমাত্র স্বীকৃতি প্রাপ্ত ৰাজনৈতিক সংগঠন ‘অসম ভৈয়াম জনজাতি পৰিষদ’ (PTCA) জৰিয়তে সাংবিধানিক প্রাপ্যৰ পৰা বঞ্চিত, শােষিত জনজাতি সমাজক সংগঠিত কৰি সংঘবদ্ধভাৱে সংগ্ৰামত নামি পৰিবলৈ মুক্ত কণ্ঠে সমাজক সভাই-সমিতিয়ে গীতৰ জৰিয়তে আহ্বান জনাইছিল। কোনাে দুর্বলতাক প্রশ্রয় নিদিয়া পুৰুষসূলভ স্বভাৱৰ চিন্তেই ৰচনা কৰা প্ৰতিটো বিপ্লৱী গীত কবিতা আৰু তেখেতৰ জীৱন-দৰ্শনৰ ওপৰত উঠি অহা যুৱ-প্ৰজন্মই সুক্ষ্মভাৱে অধ্যয়ণ কৰাৰ থল আছে।