NOK AYANG
Bipin Taye
Yumdéng ayirdo ansín
Ésar sarkodo
Mago:la dung nok ayangém.
Okkomsin kinsumang
Mé:lam agomém mé:písumang
Lagidag ngok asinsé
Nok asin ayangém.
Du:lamang mé:mapé nok agomém
Ka:mapé du:lamang nok
Kangkanné yalo(photo) dém
Yummiyé a:mang nom mé:payém
Kénong tí:língém mé:písumang
Nom luposubekyém.
Silo nok ayang léga:pé
Así siyadpé yadgo:la dung
Ngok asinsé..
Rokpanémpé kapgo:la dung
Atér atérpé..
Silo ginmur po:lodok
Gipun punkampé
Ngok asinso lí:jíg lí:jígla
Punsa:dung mé:bo appuné nok léga:pé.
Sé punsa:né appunsém
Kangkano:pé puntíla du:motéi
nok asin ayang alangki
Mé:pola jarsa:motéi nok
na:réné asin dok ayang alangki..
No comments:
Post a Comment