তুমি আহিবা বুলি
মিনু হাজৰিকা
কাহিলীপাৰা , গুৱাহাটী
খবৰত হঠাৎ পাইছিলো
তুমি আৰু নাই !
গানৰ এটি যুগৰ
পৰিসমাপ্তি ঘটিলে ৷
বিমান বন্দৰৰ পৰা
শৱদেহ আদৰিবলৈ ,
জানোচা এক জনসমুদ্ৰ
হঠাতেই বৈ আহিল ক’ৰ পৰা ?
শিল্পীৰ পৰা শিল্পপতি
অট্টালিকাৰ বাসিন্দাৰ পৰা
পদপথৰ ভীক্ষাৰী ৷
গান ভাল নাপাওঁ বুলি
কোৱাজনৰো বুকুত যেন ,
ফাটি ৰ’ল বেদনাৰ কোলাহল ৷
সদাজাগ্ৰত সুৰৰ দেৱতা !!!
তোমাক শুৱাই দিলো ,
অনাগত দিনৰ জাগ্ৰত প্ৰহৰীৰ
জালুকবাৰীস্হ ফুলৰ বাগিচাত ৷
য’ত জ্বলি আছে এতিয়াও
আশাৰ এগচি চাকি ৷
তুমি আকৌ ঘুৰি আহিবা বুলি !!!
প্ৰয়াত সুধাকণ্ঠ ভূপেন হাজৰিকা দেৱৰ সোঁৱৰণত
No comments:
Post a Comment