Online Lo Migom Ageré

 ONLINE LO MIGOM AGERÉ

                                     Mg. Raju KumarNarah

   Aré kané agerko gerpé émmílo ko:ka dokkéboi ménggab-igabla, asin díglgla gernamdé kapé ido. Tani: émsula turradu:namo:dé tani:lok agerma. Ngolu sé do:ng amo:so gílenna ané abu:é aipé luyirnam agom kídí:dém ménggab-tadgabla gerbpmla gímílo aropésinéi sé amo:sok aping ager-tarungéi aré kayé.

    Su: Tani: dungkosok ager tarungé aso-aso:pé angu-angu:la gídungkubo. Kapila émyémílo su: tani:é mo:díso aso-aso:pé bojé-bojé:la ginamki sukké aping ager kídí:déi ankangpé ipagdung. Édé ankangdo sé:kai ménggab-gígabla agerém germílo bí:pag sé amo:so turra du:lado. Leke:lo appíngéi kadungai tani:ésinéi bojéko kamangai. Émpila leke:lo mé:ma –sagma:pé ai-kangkanpé turra du:la dungai. Sukké tani:é lekelokkémpé mé:la du:named ainé agerma. Su: ngolu tani:pé mé:la turra du:pé émmílo aíé-aíé aíké turnam bélamém sígg7abla méng-gab-igabla gímílo:pak aro tani:pé iyé.  

    Leke:lo migom ager germanggom aríg-ísíng ila ai-kangkanpé turra du:ladungai. Sukké tani:é migom ager germa:mílo aríg-ísíng ila turra du:namém mé:píla:ma:pé idung. Émpila sukké ommang kídíngé aipé ang-angkir billígla ponamém pomamílo okosinpéi ima:ye. Kapé émyémílo sukké ponamso ankangé aipé bojé:dung. Ainé Kolej kolo pope mé:mílo amané(Percentage) 80% dokké 100% kopé kapé iye. Odokkésin Migom ager mapé ST/SC é 50% ko odokké OBC/General é 60% ko kapé iye. Émdaggom ainé do:yingko kadung su: Indian Government é Migom agerém manapé Internet-lo Online kokki Form Fill up lado:pé mobitung. Leke:lo Offline-ki Form Fill up agerém gerdungai. Édé aipé arainé agerpé idungai. Su: Govt.-né andéngo:pé Formém Fill up ladopé ibitung. Odokkésin migom agerro ankangém Online kokki biladung. IBPS (Institute of Banking Personnel Selection) dé:sin Challan akolokki 21 kopé Bank-é lékola dítagdo léko ankangém ige:la Score Card-ém binamém ka:padung. Édé Score Card dokki ka:la viva-ém langge:lam Bank-kídí:do selection-ném monamém ka:pa:dung.

    Édé ager kídíngém aipé ka:la Assam Govt.-nésin aso-aso:pé Form Fill up nam agerém Online-ki monam systemém irrobbomdu:bong. Odokké Assam Govt-ésin migom agerlok ankangém Online kokki irrob bommílo aipé ainé agerpé iye. Kapé émyémílo Online kokki ankang agerém germílo sé:kosinéi amír la:la migom agerém bilama:yé. APSC (Assam Public Service Commission) lang UPSC (Union Public Service Commission) démpiné botténé migom ager kídí:do amír langge:lam agerém binamdé aipé aimané agree. Édémpé Assam Govt-é amír langge:lam migom agerém bila su Assam sok lamté-du:téng atí-atí appí:dé yumrang ara:lok du:né tani:émpé ití:la dung.

    Émpila sukké sí:san ko:-ko:néngém ngo aipé asin díglígdanna lupa:dung sukké Online kokki Fill up-nam Ankang kídí:dém aipé ménggabla poge:la bimílo amír abako:sin bima:pé migom agerém pa:ladag. Sémpé inam ankang kídí:dé kamané tani:lokképé aipé ainé agreré émna mé:ponamko kadung.