Ager

(Luyir  do:ying)

Someswar Medak

Abu:- Oiyonga,aína  lukíto

rumyanglok migom se:kon ?

Aín :- simyona ba:ba.

Oyong:- sa:rbí lubidagai hingngo émna .

Abu :- é, anyidéi rumyang migomé.  Supak lukíto migomé ager gerpadon 

gerpaman. Simyobí migomé émna lo:dém yupla du:tom donam dopayelang?

Aín :- Ti:bilo 'discovery  channel 'do simyo dumsung  ménggobla  donam léngkandag. 

Abu:- aropagé, migomé émna asopé yupla du:tom simoné aíé ga:sula, "migoma ngom doto, dola nokké aki bí:moto" émna luyelang. Se:kosin sikapé gímaye.

Migomé:sin donam lo:dém mapadag, simoném ngapeletsudop

ménggo méngola edgabdo. Édíloi silíg  siyala  méndaggom pa:mado, gapla du:dag. Ngo okkom lupé  madun topìdun nulu  ?

Aínlang  Oiyong:-

 ma,topíma:dun ba:ba ,lusarkítoka.

Abu:-  me'nggabla tatto. Turpé appíngéi lo:dém ager gerpaye. Mémapé

Jubné lambélok idído ngolu itì-motímílo:pak

mirem rémdo, ainé píané

lambe'm gìpado. Ponan ayirdo pomílo:mín nolu 

ankangdo aiyopé adlayen, pa:sla:yen. Podong odolo  amdang  lemapé  yemanla yetom 

pédong  bírdug gípakmílo

Podongém ,gíné ayirdém pa:ladyekulang. Sili'gla madaggom pa:ladkuma.  Turnamsok akon ami'n ager. O:rípé méngala alam sigla ménggapla ager  gerbommílo ti:né a:ye dopayep ékémam konam dopayep.légangé  ngolu appíngé  aí aìké agerém  gerdído gerbommílo aido. Supak 

sogapla:ton agom lélígdém.