Akkungké Atai

     Tuladoi Pa:yeng Taíd

       

   

 Akkungké atai:é  Atubí. Akkungké ataidok alé asongko andé:dag.Alédé andé:la atí agerlo atípésinéi aitokuma. Ainé ager adu:lo anpí:langkuma:la a:ngé angke-ansoddakku. Aídé adíkolo aglíng a:dakku. Atéro:dé atíkosin ailankuma. Akkungké arígégom aimumdag. A:mro, a:mdang, a:m aríg atí atí:é. Aríngo:la a:mpor danna. Atumé ayangé aipé. Akkungké atai Atuké aropéi a:m arígdé:gom aitoma. A:myang a:msubla amsuppakkang. Aidantoma. Atubí atai Akkungkolok a:m a:mbínko alíkpéi asudda:ko andagai. Aipé aguglokki. Akkungké ané andé:bí agomdém anbegla aima:yenémpé anna aodém antumto. Aodé anédok agomdém agampé aséngí:to. Anédé aodok ainamdém andag. Anédé aodok apinémsin adbipa:dag.Aodém apiném adbilangkula aodok aki:ésin agamla anpokangku. Akkungké asinésin a:nélok assémpé ansíngko anbeksutoku. Akku:bí Andéngké atér ao:ko. Adíkolo Akku:bí aídém atérpé anbeksudungai. Anédém aninlo anbeglangkula aikangku. Aginkémpé aki: a:naksutokuma. Angkuné adí-ayirlo Akkungké ataidé:gom aso aso:pé ainé amikangku. Ainé ager, aríg ager, atí agerlo aiyamdankangku. Arígé a:mro a:mdang appíngé aikangku. A:mégom amsub-amruptokuma:bo. Akkungké ataidé aipé ardakangku. Ataikumsudé a:ng asinangém agíní:kémpé ayang abomínsula aipag aibosukangku.