ৰূপান্তৰৰ ঐনিঃতম
যতীন মিলি
দল এটা খামুচি
খাওঁ খাওঁ কৰি থকা জোকটোৱে
মোক আকৌ সুৱঁৰাই দিয়ে
স্মৃতিশূন্য খেতিয়ক পিতাইৰ জেপ লুৰুকা বিষয়াৰ হাত দুখনলে'
ভ্ৰষ্ট সময়ৰ পিছে পিছে
হালধীয়া ঘোঁৰা চেঁকুৰাই দৌৰিছোঁ
অবিৰাম
বসন্তৰ চিৰ সাক্ষী
কুলিৰ কোমল মাতত
পাখি মেলি দূৰ দিগন্তলৈ
উৰি গুচি যোৱা দিনবোৰৰ প'ষ্টমৰ্টেম কৰিছোঁ
বিৰিণাৰ বোকোচাত বহি
চাই আছোঁ
বাট এৰা নৈ এখনৰ হা-হুতাহ হুমুনিয়াহ
বীতশ্ৰদ্ধ ৰাতি
কাণৰ পৰ্দাত নীলা শিয়ালৰ হোৱা এটি পৰিলেই
আশাহত হওঁ
আৰু
আশাৰ জোন উধাও হোৱা বুকুত নকৈ ৰোপণ কৰোঁ
ৰূপান্তৰৰ এসাগৰ ঐনিঃতম…
No comments:
Post a Comment