অংকুৰিতা ফুকন
দেৰগাঁও(গোলাঘাট)
ফোন নং-৮০১১৭৪৮১৪৩
কাণৰ খটখটিত পিছলি পৰিলে
কঁকাল ভাঙে নিমাখিত গীতবোৰৰ
শব্দৰ লাখুটিত ভেঁজা দি উঠিব খুজিলে
সপ্তৰাগে মেলানি মাগে
কাগজৰ ফুল নুফুলাই উত্তম বুলি
সেই গীতৰ শ্ৰোতা কোন
যি অনুভূতিহীনতাৰ চাকনৈয়াত বুৰে
বন্দী গীতবোৰ নিশাৰ পাৰিজাত
ওৰে নিশা উজাগৰে ফুলে
সেইজনেই পৰম সৌভাগ্যবান
যিয়ে ৰাতিৰ পাৰিজাতৰ সুবাস লভে
সাম্প্ৰতিক ছবি…
সুৰহীন গীতবোৰ দিনতে মৰহা কাগজৰ ফুল
আৰু অনুভৱহীন শ্ৰোতাসকল
ছালনাময় ভোমোৰাৰ জাক…
No comments:
Post a Comment