সঁফুৰা বিচাৰি

 সঁফুৰা বিচাৰি

অমৰজিৎ কুমাৰ পাঠক

বামুণ বাৰাদি, বৰপেটা

ক'ত থওঁ ? ক'ত থওঁ মোৰ হৃদয় ?

ক'ত ??

কোন পথেদি যাওঁ ক'ত বিচাৰি পাওঁ

অম্লান মৰমৰ সঁফুৰা ?

অৱক্ষয়ৰ গৰাহত দেখোন আমাৰ কুমলীয়া

যৌৱন আৰু জীৱন।

বাটে-ঘাটে, অলিয়ে-গলিয়ে দেখোঁ

প্ৰেমহীন মৰমৰ অভিসাৰ !

নিথৰ নিষ্কম্প, নিৰ্বিকাৰ।

ক'ত থওঁ মোৰ হৃদয় ? তাতেইনে ?

য'ত প্ৰেমৰ অভিধা সলনি কৰি উদং কৰিছোঁ বুকু ?

প্ৰাণৰ শিখাৰে সহস্ৰ জনৰ প্ৰাণ আলোকদীপ্ত কৰাৰ

আকাংক্ষা স্তিমিত হৈছে কিয় ?

জীৱনৰ আশিসেৰে ফুলাই তোলা ফুলবোৰ ক'ত ?

তিমিৰাচ্ছন্ন সুৰঙ্গ পথেৰে গতি কৰিচেনেকি

আমাৰ হৃদয়বোৰ ?

নে নিৰস, নিষ্পন্দ হেমন্ত ঋতুৰ বৈৰাগ্যই

আঘাত কৰিছে মন আৰু হৃদয়ত ?

জীৱনৰ চিৰাচৰিত, নৈসৰ্গিক নিয়মবোৰ

বিসৰ্জন দিয়া হ'ল নেকি ?

মোৰ দৃঢ় বিশ্বাস - এতিয়াও আছে

আমাৰ প্ৰাণত, আমাৰ হৃদয়ত

এধানি, একণি ঠাই। য'ত -

আলফুলে, সযতনে থৈ দিব পাৰোঁ

মোৰ কণমানি ' ।