RAMNAM

       Néríng-Joyanta Kr. Sokroborti

        Atsonsuné- Mg. Bhobo Dole:

Otorambí ramdung émna tatpa:sudannai lomdí-lomrala gípí:to.Gadu-gasor bomna bí ke:ladge:la yubla dung. Tatkinla:ma:dopé ngunu-nganapé lula dung. Língír ngírla tuptado así pomjula né:dé kéra:do tedla dung.Nappng-amigdo mé:dír asuppula yubdung. 

          Kéra:do gía:la utka:la ka:to.O Otoram.. Otoram.. Ngok gomug tatpa:la amigdém miksa:la kangkang.Émpige:la bí ngom kangkonnémpé ka:tomang.Kapé lígémpé édémpé ikan? 

    Ngok agomdé tadge:la kangkinman tani: émpé ngok nappa:so:pé kangge:la migjém kangku.Odokké bí lusu-lumula lurppkangku.No kapila ngokkoso gíadu:n? Gíkangku? Sokké gíkangku.Su:pag gíkangku.... 

  Otoramké agomdém tadla ngo monbangkang. Anyi:du:sin.Né:dé okko émna mé:du:ji? Émpige:la Otorambí kapila édémpé idu:n? Ngoi kapé iyen? Nok agomdém ngolu ménggabla tattingai, Otorambí lurpkangku.Nok agpmém, nok pesunammém arro émna mé:tungai.Nok nappa:lo:pé ka:la nok ope:dém bu:d bitingai. Émpige:la no ito okkom? 

        Otoramké agomdé ngom mé:moto.Rambadla lusu-lumudung.Ngom rajniti ope:lok lidarko émna mé:dung.

   Otoram, O Otoram, darobla tetkítoka.Ramnam kamangéinémpé idag. 

... No ngolum ludagai, ami: mo:rum tani:é gasum-basum bomna aíké mo:rumpé gípayeku,Émpige:la ami: mo:rum tani:ém ginga:lígdungosolo.No ludagai pu:mu pu:nam, rago ko:nam motumye,Aro NRC molenye, Assam acord do akkéng pe:lungdé agerpé gerye.Édébuluk akosin gertomang. 

  Éi Otoram amig miksa:la kangkíka.Ngomín ngo. 

... Ainé longélok no ma:nying ma:dagai, Appíngké léga:pé unnam, Yakan murko:(কলা ধন) la:ladge:kula ngoluk akaunno murko: biye.Aku murko: tumge:la abbug jo:né tani:lok ígíng dírmoye. Migom atta:r mopennamdé... Émpige:la no kopagamdung. Indu-muslim... 

   Otpramké agom lula du:dolo né:dé íkíd íkídla kapsangkang. Kabi: língéla lubomkang-bíkké kapidang migoma,ngokké su:pag kapiyen? Bí okkom luladu:n? Se:kom ludun? Ngo topíngéi la:ma:so:lo? 

 Du:poto, du:poto, mé:mopp:to.Né:dé luyirnam léga:pé tatto. Édílokké bí ramdu:n? Rokomdo tunggéngolo lutad porila dungngai. Lutaddo migom ru:tum Modi bí gíye émdodokké ramsangkang. 

Okko? Édémpin agomlok tani: ramna:done? Extraordinary fever, sé kinamsém éxtraordinsry pé ka:pa:ye.Émpige:la kapiyen? Lomdanna "youtup" dém ní:lento.Eibar pir Tram sorkar. Mudi:ké gomugé bé:lenkang.Pustahe Bharot, tukre tukre geng kaha hu Ornob gussami jé:namé yeru:so bérngakkang. Otorambí okkosin émmang. Akon senelkolo tatpa:to- kisan ekta zindabad, kisan ain bapos lu.. Bagémpé Otorambí asubdokké daropla

tettungkang. Ngokko:lopé kangge:la susuk-samakpé yorkang. 

............................................................ 

SADIN, Deubar, 31 January 2021 dok Joyonto kr. Somraborti ké"OTORAMOR JOR"dém  atsonsunamé.