ফাগুন

 ফাগুন

   টম মেদক

দিনৌ গণি আহিছোঁ তোমাৰ খোজ

তোমাৰ ধূলিৰ আলিবাট

তোমাৰ বালিৰ নদী ঘাট

তোমাৰ টকলা পাহাৰ

তোমাৰ একেখনি গাঁও

তই ঢেঁকীয়নিৰ মাজৰ চিঠিখন নাপালি

শালিকী কণী বৰণৰ আকাশৰ

উঁৰণীয়া ক’লীয়া মেঘে 

সাউতকৈ উৰি আহি উটুৱাই নিলে প্ৰিয় চিঠি

গাঁৱৰ বুঢ়া ঔটেঙা গছত জেওৰা গুজিৰে ঘঁহি ঘঁহি লিখিলো তোমাৰ নাম

তাকো বৰদৈচিলাই দিলে উঘাঁলি

কুলি আহি মাতি 

উৰিল

বসন্তৰ ফুল ফুলি আকৌ সৰিল

তই ফাগুন এতিয়াও 

মোৰে আপোন