বিষাদ গাথা
ঝৰ্নালী শৰ্মা বৰকটকী
তেজপুৰ বিশ্ববিদ্যালয় চৌহদ
উইচিৰিঙা ৰাতি
বন্ধ্যা বতাহ জাকে
কোবাই যায় সৰাপাতত।
শেলুৱৈয়ে গচকা হৃদয়ত
উতনুৱা যৌৱনৰ
প্ৰনয়ৰ এফাঁকি
আধৰুৱা গীত।
দুচকুত জল মলাই উঠে
কেৰেচীয়া সপোনবোৰে।
শেষ নিশা হেৰাই যায়
দুচকুত অশ্ৰুৰ সেলেঙি বোলাই
জোন গলা পথাৰত।
তেতিয়া পথাৰৰ সীয়নিত
শব্দৰ মেলা
কবিতাৰ উখনা-উখনি।
সৰাপাতত উৰি ফুৰে
আদহীয়া প্ৰেমৰ সুৱাস।
ফোন নং ৯১০১৮৬০৩৫৯
No comments:
Post a Comment