Nokké Binam Aya:dém
Triranjan Taíd
Nokké binam aya:dém
Gasum sumpé sumla lé:do kumsu kumsu:pé
Nokké binam aipé mé:namdém
Karé répé ré:la yedo bangku: bangku:pé.
Nokké binam asin apugdém
Attar pirpé pirra pirra: lé:do língu: línggu:pé
Nokké binam asin akundém
Dogné tupé tula yedo angkéng angké:pé.
Nokké binam aya:dém
Génam galuk gékampé géla yedo inggang ingga:pé
Nokké binam aya:dém
Génam gasor gékampé géla yedo ingga: ingga:pé .
Nokké binam aya:dém
Po:ro katpé katkumsula yedo giri: girí:pé
Nokké binam ayang akundém
Nogin tonpé tonkumsula yedo ki:ling ki:li:pé.
Nokké binam aya:dém
Génam galug gékampé géla yedo inggang ingga:pé
Génam gasor gékampé géla yedo inggang ingga:pé .
No comments:
Post a Comment