শৱদেহ
স্বপ্নালী কলিতা
খুৱ সম্ভৱ মই লাইনৰ দহ নম্বৰত আছিলো
মোৰ বাবে তৎপৰ হ'ব পৰাকৈ সিঁহত সাজু হ'বলৈ আৰু বহু পৰ ।
মোৰ আত্মীয়ক মোৰ পৰা বিতাৰিত কৰা হ'ল ।
আত্মীয়ৰ বিননি শুনিবলৈ মই তেতিয়া সেই ঠাইত নাছিলোঁ ।
মাজতে সিহঁতে কাম এৰি খৰিৰ সন্ধানতো গৈছে
বোধকৰো খৰিবোৰ শেষ হৈছে ।
এনেদৰে লাইনত থাকি আমনিও লাগিছে ।অৱশ্যে এনেদৰে লাইন পাতিবলৈ সুবিধা পোৱাটোও ভাগ্য নহয় ; সৌভাগ্য ।
গৰুড় পুৰাণ আৰু শিৱ পুৰাণতো উলেখ আছে--জন্মিলে মৃত্যু নিশ্চিত ।
পিছে জীৱনকালত লাইন ধৰাৰ দৰে
শৱ হৈও লাইনত শেষকৃত্যৰ বাবে
ৰোৱাৰ কথা ক'তো নাই ।
মই এতিয়া পাঁচ নম্বৰ শৱ এটা ।
No comments:
Post a Comment