এপিয়লা চাহ
অনুস্মিতা ফুকন
বঙাইগাঁও
শেষ নিশাৰ ৰণখন যেন
তোমাৰ স্পৰ্শতেই জীৰ্ণ পৰি ৰয়
সপোন বুলি ভাবি সন্ত্তষ্টিৰ হাঁহি মাৰোতেই
খিৰিকীৰে সোমাই অহা বেলিৰ কিৰণে বাস্তবক সোঁৱৰাই দি যায়...
বৰ হেঁপাহৰ এপিয়লা চাহ
যাৰ সান্নিধ্যই নোহোৱা কৰি দিয়ে
চঞ্চল মনত ক্ৰিয়া কৰি থকা
উচিত-অনুচিতৰ প্ৰশ্নবোৰক
যাৰ সুগন্ধিয়ে খুলি দিয়ে
শিকলিৰে বন্ধা অনুভৱী মনৰ খেয়ালী সপোনবোৰক
বহু প্ৰেম বহু বিচ্ছেদৰ নিৰৱ সাক্ষী
দীঘলীয়া আড্ডাৰ একমাত্ৰ সাৰথি
এপিয়লা চাহ
নাইবা
জীৱনৰ কোনোবাখিনিত
অকলশৰীয়া হৈ পৰাৰ সুখৰ সংগী
এপিয়লা চাহ.....
No comments:
Post a Comment