ফাগুন

             ঝৰ্নালী শৰ্মা বৰকটকী

             তেজপুৰ বিশ্ববিদ্যালয় চৌহদ

  

ফাগুন আহে এবুকু স্বপ্ন লৈ

ৰাঙলী সাজেৰে

উদাসী সন্ধিয়া বোৰত

ফাগুনে ছটিয়াই যায়

এমুঠি জোনাক

চকুৰ লাহী পতাত

ফাগুনে প্ৰলেপ সানে

উতনুৱা ডেকা গাভৰুৰ

দেহ মন পুলকিত হৈ উঠে

জুই ফুলৰ মিচিকিয়া হাঁহিৰে

আকাশ ৰঙচুৱা কৰি তোলে

ধূলিয়ৰি বাট-পথত

উচুপি উঠে সৰাপাতে

কথা পাতে এয়াও এক

নতুনক আদৰাৰে যন্ত্ৰনা

ৰাঙলী পলাশ  শিমলু মদাৰৰ 

সমীৰণত বিয়পি পৰে

 প্ৰেমৰ  গোন্ধ।